35 ਪ੍ਰਤਿਭਾਸ਼ਾਲੀ, ਹੋਣਹਾਰ, ਉੱਦਮੀ, ਸਿਰੜੀ, ਸਮਾਜ ਸੇਵੀ ਔਰਤਾਂ ਨੂੰ ਮਿਲੇਗਾ ਸਿਰਜਣਾ ਪੁਰਸਕਾਰ : ਡਾ.ਸਰਬਜੀਤ !!

ਮੋਗਾ 15 ਮਾਰਚ (ਮੁਨੀਸ਼ ਜਿੰਦਲ)

ਸਿਰਜਣਾ ਤੇ ਸੰਵਾਦ ਸਾਹਿਤ ਸਭਾ ਮੋਗਾ ਪੰਜਾਬ ਵੱਲੋਂ 16 ਮਾਰਚ ਦਿਨ ਐਤਵਾਰ ਨੂੰ ਡੀ.ਐਮ. ਕਾਲਜ ਦੇ ਆਡੀਟੋਰੀਅਮ ਹਾਲ ਵਿਖੇ ਪਹਿਲਾ ਸਿਰਜਣਾ ਪੁਰਸਕਾਰ ਪ੍ਰੋਗਰਾਮ ਕਰਵਾਇਆ ਜਾ ਰਿਹਾ ਹੈ। ਇਸ ਦੀ ਜਾਣਕਾਰੀ ਸਿਰਜਣਾ ਤੇ ਸੰਵਾਦ ਸਾਹਿਤ ਸਭਾ ਮੋਗਾ ਦੀ ਪ੍ਰਧਾਨ ਡਾਕਟਰ ਸਰਬਜੀਤ ਕੌਰ ਬਰਾੜ ਨੇ ਮੀਡਿਆ ਕਰਮੋਆਂ ਨਾਲ ਸਾਂਝਾ ਦਿੱਤੀ। ਇਸ ਮੌਕੇ ਤੇ ਉਹਨਾਂ ਦਸਿਆ ਕਿ ਇਸ ਸਮਾਗਮ ਵਿੱਚ ਮੋਗਾ ਦੀਆਂ ਕੰਮਕਾਜੀ, ਸਮਾਜ ਸੇਵੀ, ਲਿਖਾਰੀ, ਬੁੱਧੀਜੀਵੀ, ਡਾਕਟਰ, ਡਾਇਟੀਸ਼ੀਅਨ, ਪ੍ਰੋਫ਼ੈਸਰ, ਵਕੀਲ, ਪੁਲਸ, ਵਿਕਲਾਂਗ ਲੋਕਾਂ ਦੀ ਸਹਿਯੋਗੀ, 35 ਔਰਤਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਮੌਕੇ ਤੇ ਓਹਨਾ ਦੇ ਨਾਲ ਸਭਾ ਦੀ ਮੀਤ ਪ੍ਰਧਾਨ ਪਰਮਿੰਦਰ ਕੌਰ ਵੀ ਮੌਜੂਦ ਸਨ। ਉਹਨਾਂ ਨੇ ਸਮਾਗਮ ਦੀ ਰੂਪ ਰੇਖਾ ਸਾਂਝੀ ਕਰਦਿਆਂ ਦੱਸਿਆ ਕਿ ਇਸ ਸਮਾਗਮ ਵਿੱਚ ਔਰਤਾਂ ਨੂੰ ਸਨਮਾਨਿਤ ਕਰਨ ਦੇ ਨਾਲ ਨਾਲ ਅਜੋਕੇ ਸੰਦਰਭ ਵਿੱਚ ਔਰਤਾਂ ਦੀਆਂ ਗੰਭੀਰ ਚੁਣੌਤੀਆਂ ਵਿਸ਼ੇ ਤੇ ਸੰਵਾਦ ਅਤੇ ਵਿਚਾਰ ਚਰਚਾ, ਅਮਨ ਦਿਓਲ, ਇਸਤਰੀ ਜਾਗ੍ਰਤੀ ਮੰਚ, ਭਵਦੀਪ ਕੋਹਲੀ ਪਬਲਿਕ ਸਪੀਕਰ ਅਤੇ ਸਟੇਟ ਐਵਾਰਡੀ ਲੈਕਚਰਾਰ ਗੁਰਮੇਲ ਸਿੰਘ ਬੌਡੇ ਤੋਂ ਕਰਵਾਈ ਜਾਵੇਗੀ। ਸਭਾ ਦੇ ਜਨਰਲ ਸਕੱਤਰ ਗੁਰਬਿੰਦਰ ਕੌਰ ਗਿੱਲ, ਵਿਸ਼ੇਸ਼ ਸਲਾਹਕਾਰ ਗੁਰਮੇਲ ਸਿੰਘ ਬੌਡੇ, ਕੈਪਟਨ ਜਸਵੰਤ ਸਿੰਘ ਅਤੇ ਹੈਪੀ ਵੱਲੋਂ ਸਮਾਗਮ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ।