mogatodaynews

ਮੋਗਾ 11 ਜੂਨ, (ਮੁਨੀਸ਼ ਜਿੰਦਲ/ ਗਿਆਨ ਸਿੰਘ) ਵੈਦ ਪ੍ਰੀਤਮ ਸਿੰਘ ਨੇ ਹਲੀਮੀ ਅਤੇ ਸਮਾਜ ਸੇਵਾ ਦੇ ਜਜ਼ਬੇ ਨਾਲ ਲੰਬਾ ਜੀਵਨ ਬਤੀਤ ਕੀਤਾ। ਮੋਗਾ ਦੇ ਇਤਿਹਾਸ ਵਿੱਚ ਵੈਦ ਪ੍ਰੀਤਮ ਸਿੰਘ ਦਾ ਨਾਮ ਕਿਸੇ ਪਹਿਚਾਣ ਦਾ ਮੁਹਤਾਜ ਨਹੀਂ ਹੈ। ਵੈਦ ਜੀ ਦਾ ਜਨਮ 1937 ਵਿੱਚ ਨਾਨਕੇ ਪਿੰਡ ਸ਼ਾਦੀਪੁਰ ਵਿਖੇ ਮਾਤਾ ਸਮਾਂ ਕੌਰ ਦੀ ਕੁੱਖੋਂ ਹੋਇਆ। ਇਹਨਾਂ ਦੇ ਪਿਤਾ ਸੁਰਜਨ ਸਿੰਘ ਸਨ ਤੇ  ਪਿੰਡ ਭਾਈਕੋਟ, ਤਹਿਸੀਲ ਕਸੂਰ ਥਾਣਾ ਚੂਨੀਆਂ, ਪਾਕਿਸਤਾਨ ਸੀ। 1947 ਵਿਚ ਹਿੰਦੁਸਤਾਨ ਦੀ ਵੰਡ ਸਮੇਂ ਲਹਿੰਦੇ ਪੰਜਾਬ ਤੋਂ ਚੜ੍ਹਦੇ ਪੰਜਾਬ ਵੱਲ ਆਉਂਦਿਆਂ ਹੀ ਦਸ ਗਿਆਰਾਂ ਸਾਲ ਦੀ ਨਿੱਕੀ ਉਮਰੇ, ਪਿਤਾ ਦਾ ਸਾਇਆ ਸਿਰ ਤੋਂ ਉੱਠ ਗਿਆ। ਜਿਸ ਕਾਰਨ ਛੋਟੇ ਤਿੰਨ ਭਰਾਵਾਂ ਤੇ ਇੱਕ ਭੈਣ ਦੀ ਸਿਰ ਪਈ ਜੁੰਮੇਵਾਰੀ ਨੂੰ ਉਨ੍ਹਾਂ ਨੇ ਆਪਣੀ ਮਿਹਨਤ ਤੇ ਦ੍ਰਿੜਤਾ ਨਾਲ ਨਿਭਾਇਆ। ਪੰਜਾਬ ਆ ਕੇ ਕੁੱਝ ਸਮਾਂ ਮੋਗਾ ਦੇ ਨਾਲ ਲੱਗਦੇ ਪਿੰਡ ਲੰਢੇ ਕੇ ਵਿਖੇ, ਫਿਰ ਪੁਰਾਣੇ CIA ਸਟਾਫ਼ ਦੇ ਨੇੜੇ ਨਾਨਕ ਨਗਰੀ ਵਿਖੇ ਤੇ ਹੁਣ ਨਿਊ ਦਸ਼ਮੇਸ਼ ਨਗਰ ਵਿਖੇ ਹਾਲ ਅਬਾਦ ਸਨ‌। ਇਸ ਸਫਰ ਦੌਰਾਨ ਆਪਣੇ ਛੋਟੇ ਭੈਣ ਭਰਾਵਾਂ ਤੇ ਆਪਣੇ ਚਾਰ ਪੁੱਤਰਾਂ ਦੀ ਪਰਵਰਿਸ਼ ਨੂੰ ਪੂਰੀ ਜੁੰਮੇਵਾਰੀ ਨਾਲ ਨਿਭਾਉਂਦਿਆਂ ਚਾਰ ਵੱਡੇ ਪਰਿਵਾਰਾਂ ਦੇ ਮੋਢੀ ਵੈਦ ਪ੍ਰੀਤਮ ਸਿੰਘ 8 ਜੂਨ ਨੂੰ ਸਵਰਗਵਾਸ ਹੋ ਗਏ। ਉਨ੍ਹਾਂ ਦੇ ਪੁੱਤਰ, ਭਤੀਜੇ, ਨੂੰਹਾਂ, ਪੋਤਰੇ, ਪੋਤ ਨੂਹਾਂ, ਦੋ ਦਰਜਨ ਦੇ ਕਰੀਬ ਪਰਿਵਾਰਕ ਮੈਂਬਰ ਵਿਦੇਸ਼ਾਂ ਵਿੱਚ ਹਨ। ਵੈਦ ਪ੍ਰੀਤਮ ਸਿੰਘ ਨੇ ਪਰਿਵਾਰਕ ਜੁੰਮੇਵਾਰੀ ਦੇ ਨਾਲ ਨਾਲ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਕ ਤੌਰ ਤੇ ਵੀ ਸਮਾਜ ਦੀ ਸੇਵਾ ਕਰਦਿਆਂ ਵੱਡੀਆਂ ਪੁਲਾਂਘਾਂ ਪੁੱਟੀਆਂ। ਤਕਰੀਬਨ ਦਸ ਸਾਲ ਤੱਕ ਨਗਰ ਕੌਂਸਲ ਦੇ ਵਾਰਡ ਨੰਬਰ ਇੱਕ (ਜੋ ਅੱਜ ਕਾਰਪੋਰੇਸ਼ਨ ਵਿੱਚ 46,47 ਤੇ 48 ਨੰਬਰ ਚ ਬਦਲ ਚੁੱਕਿਆ ਹੈ) ਵਿਚ ਬਤੌਰ ਨਗਰ ਕੌਂਸਲਰ ਅਜਿਹੀ ਸੇਵਾ ਕੀਤੀ ਜੋ ਲੋਕ ਹਮੇਸਾ ਯਾਦ ਰੱਖਣਗੇ। ਉਸ ਸਮੇਂ ਅਕਾਲੀ ਸਰਕਾਰ ਕੋਲੋ ਇਲਾਕੇ ਦੇ ਅਨੇਕਾਂ ਲੋੜਵੰਦ ਯੋਗ ਬੱਚੇ ਬੱਚੀਆਂ ਨੂੰ ਨੌਕਰੀਆਂ ਲਗਵਾਉਣ, ਪੈਨਸ਼ਨਾਂ ਲਗਵਾਉਣ, ਸ਼ਗਨ ਸਕੀਮ ਦਾ ਲਾਭ ਦਿਵਾਉਣ ਤੇ ਵਾਰਡ ਦੇ ਵਿਕਾਸ ਤੇ ਅਨੇਕਾਂ ਲੋਕ ਭਲਾਈ ਦੇ ਕੰਮ ਕੀਤੇ। ਆਪ ਨੇ ਡੇਰਾ ਸੱਚਾ ਸੌਦਾ ਮੋਗਾ ਬਲਾਕ ਦੀ ਪੰਜ ਮੈਂਬਰੀ ਕਮੇਟੀ ਵਿੱਚ ਲੰਮਾਂ ਸਮਾਂ ਸੇਵਾ ਕਰਦਿਆਂ ਸੰਗਤ ਦੇ ਸਹਿਯੋਗ ਨਾਲ ਗਰੀਬ ਲੋੜਵੰਦਾਂ ਨੂੰ ਮਕਾਨ ਬਣਾ ਕੇ ਦੇਣ, ਗਰੀਬ ਲੜਕੀਆਂ ਦੀ ਸ਼ਾਦੀਆਂ, ਲੋੜਵੰਦਾਂ ਨੂੰ ਰਾਸ਼ਨ ਮੁਹੱਈਆ ਕਰਵਾਉਣ ਵਰਗੀਆਂ ਅਨੇਕਾਂ ਸੇਵਾਵਾਂ ਤਨਦੇਹੀ ਨਾਲ ਨਿਭਾਈਆਂ। ਮਿਰਤਕ ਦੇਹ ਨੂੰ ਵਿਦਾਇਗੀ ਦਿੰਦੇ, ਮਾਲਵਿਕਾ ਸੂਦ ਤੇ ਇਲਾਕਾ ਨਿਵਾਸੀ। ਉਹਨਾਂ ਕੋਲ ਜਦੋ ਕੋਈ ਇਲਾਕੇ ਦਾ ਬੰਦਾ ਆਪਣਾ ਕੰਮ ਲੈ ਕੇ ਅਉਂਦਾ, ਤਾਂ ਉਹ ਨਾਲ ਜਾ ਕੇ ਇੱਥੋਂ ਤੱਕ ਕਿ ਆਪਣੀ ਜੇਬ ਵਿੱਚੋਂ ਖਰਚ ਕਰ ਕੇ ਵੀ ਕੰਮ ਪਹਿਲ ਦੇ ਅਧਾਰ ਤੇ ਕਰਵਾਉਂਦੇ। 8 ਜੂਨ ਨੂੰ ਅਕਾਲ ਚਲਾਣੇ ਦੀ ਖ਼ਬਰ ਨਾਲ ਪੂਰਾ ਇਲਾਕਾ ਸੋਗ ਵਿੱਚ ਡੁੱਬ ਗਿਆ। ਵੈਦ ਜੀ ਨੇ ਸਮਾਜ ਦੀ ਜੋ ਸੇਵਾ ਕੀਤੀ ਉਹ ਤਾਂ ਸ਼ਲਾਘਾਯੋਗ ਹੈ ਹੀ, ਪਰ ਸੰਸਾਰ ਤੋ ਜਾਂਦੇ ਸਮੇ ਆਪਣੀਆਂ ਅੱਖਾਂ ਦਾਨ ਕਰਕੇ ਦੋ ਜ਼ਿੰਦਗੀਆਂ ਨੂੰ ਰੌਸ਼ਨੀ ਦੇ ਗਏ। ਮਲੋਟ ਤੋ 8 ਜੂਨ ਨੂੰ ਵਿਸੇਸ਼ ਟੀਮ ਅੱਖਾਂ ਲੈ ਕੇ ਗਈ। ਇਥੇ ਹੀ ਬਸ ਨਹੀਂ, ਉਨ੍ਹਾਂ ਦੀ ਅੰਤਿਮ ਇੱਛਾ ਅਨੁਸਾਰ ਪਰਿਵਾਰ ਨੇ ਵੈਦ ਜੀ ਦਾ ਸਰੀਰ ਵੀ ਮੈਡੀਕਲ ਕਾਲਜ ਬਰੇਲੀ ਲਈ ਦਾਨ ਕਰ ਦਿੱਤਾ, ਜੋ ਭਵਿੱਖ ਵਿਚ ਨਵੇਂ ਡਾਕਟਰਾਂ ਨੂੰ ਸਿੱਖਿਆ ਪ੍ਰਦਾਨ ਕਰੇਗਾ।  ਸਵੇਰੇ ਕੈਨੇਡਾ ਤੋ ਵੈਦ ਪ੍ਰੀਤਮ ਸਿੰਘ ਦੇ ਪੋਤਰੇ ਗੁਰਭੇਜ ਸਿੰਘ ਤੇ ਨੂੰਹ ਕੁਲਵਿੰਦਰ ਕੌਰ ਦੇ ਮੋਗਾ ਪੁੱਜਣ ਤੇ ਮਿਰਤਕ ਦੇਹ ਸੰਭਾਲ ਕੇੰਦਰ ਸਿੰਘਾਂਵਾਲਾ ਤੋ ਨਾਮ ਚਰਚਾ ਘਰ ਵਿਖੇ ਵੈਦ ਪ੍ਰੀਤਮ  ਸਿੰਘ ਦੀ ਮਿਰਤਕ ਦੇਹ ਲਿਆਕੇ ਸੰਗਤਾਂ ਦੇ ਦਰਸਨਾਂ ਲਈ ਰੱਖੀ ਗਈ, ਜਿੱਥੇ ਵੱਡੀ ਗਿਣਤੀ ਵਿਚ ਸੰਗਤਾਂ ਨੇ ਵੈਦ ਪ੍ਰੀਤਮ ਸਿੰਘ ਦੀ ਮਿਰਤਕ ਦੇਹ ਦੇ ਦਰਸ਼ਨ ਕੀਤੇ ਤੇ ਸ਼ਰਧਾ ਦੇ ਫੁੱਲ ਭੇੰਟ ਕੀਤੇ। ਸ਼ਬਦ ਗਾਇਨ ਤੋ ਬਾਅਦ ਸ਼ਾਹ ਸਤਿਨਾਮ ਗਰੀਨ ਐਸ ਵੈਲਫੇਅਰ ਫੋਰਸ ਦੀ 85 ਮੈਬਰੀ ਕਮੇਟੀ ਨੇ ਹਰਜਿੰਦਰ ਸਿੰਘ, ਗੁਰਜੀਤ ਸਿੰਘ ਤੇ ਭੈਣ ਆਸ਼ਾ ਦੀ ਅਗਵਾਈ ਵਿਚ ਨਾਹਰਿਆਂ ਦੀ ਗੂੰਜ ਤੇ ਫੁੱਲਾਂ ਦੀ ਵਰਖਾ ਕਰਕੇ ਮਿਰਤਕ ਦੇਹ ਨੂੰ ਬਰੇਲੀ ਲਈ ਰਵਾਨਾ ਕੀਤਾ। ਵੈਦ ਪ੍ਰੀਤਮ ਸਿੰਘ ਦੀ ਮਿਰਤਕ ਦੇਹ ਨੂੰ ਲੜਕੀਆਂ ਨੇ ਮੋਢਾ ਦਿੱਤਾ। ਵੈਦ ਜੀ ਦੇ ਸਪੁੱਤਰਾਂ ਕੁਲਦੀਪ ਸਿੰਘ, ਮਨਜੀਤ ਸਿੰਘ ਸਾਬਕਾ ਕੌਂਸਲਰ, ਖੁਸ਼ਪ੍ਰੀਤ ਸਿੰਘ ਤੇ ਪੋਤਰੇ ਗੁਰਭੇਜ ਸਿੰਘ ਨੇ ਵਦਾਇਗੀ ਦਿੱਤੀ। ਵੈਦ ਜੀ ਦੀ ਸੁਪਤਨੀ ਸ੍ਰੀਮਤੀ ਸੁਖਚੈਨ ਕੌਰ ਤੇ ਰਿਸ਼ਤੇਦਾਰ ਮੌਜੂਦ ਸਨ। ਵੈਦ ਪ੍ਰੀਤਮ ਸਿੰਘ ਨੂੰ ਸ਼ਰਧਾ ਦੇ ਫੁੱਲ ਅਰਪਿਤ ਕਰਨ ਲਈ ਮਾਲਵਿਕਾ ਸੂਦ, ਇੰਨਚਾਰਜ ਕਾਂਗਰਸ ਹਲਕਾ ਮੋਗਾ ਪਹੁੰਚੇ। ਉਹਨਾਂ ਕਿਹਾ ਕਿ ਵੈਦ ਜੀ ਨੇ ਅਪਣੀ ਜਿੰਦਗੀ ਵਿਚ ਚੰਗੇ ਕੰਮ ਕਰਕੇ ਸਮਾਜ ਤੇ ਲੋਕਾਂ ਵਿਚ ਆਪਣੀ ਪਹਿਚਾਨ ਬਣਾਈ। ਉਹਨਾਂ ਮਰਨ ਉਪਰੰਤ ਅੱਖਾਂ ਤੇ ਸਰੀਰ ਦਾਨ ਕਰਕੇ ਮਨੁੱਖਤਾ ਨੂੰ ਨਵਾਂ ਰਾਹ ਦਿਖਾਇਆ। ਇਸ ਮੌਕੇ ਪੁਲੀਸ ਇੰਨਸਪੈਕਟਰ ਹਰਜੀਤ ਸਿੰਘ, ਰਾਜ ਕੁਮਾਰ ਮੁਖੀਜਾ ਸਾਬਕਾ ਕੌਸ਼ਲਰ, ਮਾਸਟਰ ਸ਼ਿੰਦਰ ਸਿੰਘ ਭੁਪਾਲ ਸਣੇ ਸ਼ਹਿਰ ਦੀ ਪ੍ਰਮੁੱਖ ਸਕਸੀਅਤਾਂ ਸ਼ਾਮਲ ਸਨ।

मोगा 10 जून, (मुनीश जिन्दल) आज के इस तकनीकी युग में जहां मोबाइल फोन के अनेक फायदे हैं, वही अगर इसे सही ढंग से इस्तेमाल न किया जाए, तो इसके अनेकों नुकसान भी हैं। ताजा मामला पंजाब के जिला मोगा से संबंधित है। जहां पर फोन पर तय हुए एक रिश्ते के चलते जब बाराती 110 की दूरी से, अमृतसर से अपने लड़के का विवाह करने मोगा पहुंचे, तो न तो उन्हें दुल्हन मिली व ना ही उसका घर। जिसके चलते बारात को बैरंग ही लौटना पड़ा। यह रिश्ता दूल्हे की भाभी ने अपनी रिश्तेदारी में ही करवाया था व दूल्हे की भाभी के मुताबिक यह रिश्ता फोन पर ही तय हुआ था। जिसके बाद उनका परिवार, उसके देवर का विवाह करने मोगा पहुंचा था। लेकिन ना तो दुल्हन मिली, ना दुल्हन का घर, जिस पैलेस का नाम दिया गया था, ना ही उस पैलेस में कोई प्रोग्राम था। जिसके चलते अब पीड़ित परिवार ने इंसाफ की गुहार लगाई है। मीडिया के रूबरू दूल्हे की भाभी मनप्रीत कौर ने बताया कि वो अपने देवर का विवाह अपनी रिश्तेदारी में बहन लगती लड़की के साथ करने मोगा आए थे व यह रिश्ता फोन पर ही तय हुआ था। और जिस पैलेस का नाम लड़की वालों की ओर से दिया गया था, उस पैलेस में कोई प्रोग्राम ही नहीं था, ना ही शहर के किसी गुरुद्वारा साहिब में कोई प्रोग्राम मिला, और ना ही लड़की वालों का घर मिला। पीड़ित भाभी ने बताया कि अब उसका ससुराल परिवार उसे ताने मार रहा है।  लेकिन उसने खुद को बेकसूर बताते हुए इसी घर में बसने की बात कही है।  इधर दूल्हे के भाई परमिंदर व दूल्हे के पिता सुरजीत सिंह ने भी मामले की जानकारी देते हुए इंसाफ की गुहार लगाई है।

ਮੋਗਾ, 10 ਜੂਨ, (ਮੁਨੀਸ਼ ਜਿੰਦਲ) ਪੰਜਾਬ ਰਾਜ ਮਹਿਲਾ ਕਮਿਸ਼ਨ ਦੇ ਚੇਅਰਪਰਸਨ ਰਾਜ ਲਾਲੀ ਗਿੱਲ ਨੇ ਮੰਗਲਵਾਰ ਨੂੰ ਪੁਲਿਸ ਲਾਈਨ ਮੋਗਾ ਵਿਖੇ ਖੁੱਲ੍ਹਾ ਦਰਬਾਰ ਲਗਾ ਕੇ ਔਰਤਾਂ ਦੀਆਂ ਮੁਸ਼ਕਲਾਂ ਨੂੰ ਸੁਣਿਆ। ਇਸ ਦੌਰਾਨ ਉਨ੍ਹਾਂ ਮੌਕੇ ‘ਤੇ ਹੀ ਪੁਲਸ ਅਧਿਕਾਰੀਆਂ ਨੂੰ ਸ਼ਿਕਾਇਤਾਂ ਦਾ ਨਿਪਟਾਰਾ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ। ਅੱਜ ਦੀ ਇਸ ਲੋਕ ਅਦਾਲਤ ਵਿਚ ਕਮਿਸ਼ਨ ਵੱਲੋਂ ਕਰੀਬ 50 ਕੇਸਾਂ ਦੀ ਸੁਣਵਾਈ ਕੀਤੀ ਗਈ। ਕਮਿਸ਼ਨ ਦੇ ਚੇਅਰਪਰਸਨ ਰਾਜ ਲਾਲੀ ਗਿੱਲ ਨੇ ਕਿਹਾ ਕਿ ਕਮਿਸ਼ਨ ਹਰੇਕ ਜ਼ਿਲ੍ਹੇ ਅੰਦਰ ਜਾ ਕੇ ਔਰਤਾਂ ਨੂੰ ਪੇਸ਼ ਆ ਰਹੀਆਂ ਦਰਪੇਸ਼ ਮੁਸ਼ਕਿਲਾਂ ਦਾ ਨਿਪਟਾਰਾ ਕਰਨ ਨੂੰ ਤਵੱਜੋਂ ਦੇ ਰਿਹਾ ਹੈ, ਕਿਉਂਕਿ ਕਈ ਪੀੜਤ ਮਹਿਲਾਵਾਂ ਮੋਹਾਲੀ ਵਿਖੇ ਕਮਿਸ਼ਨ ਤੱਕ ਆਪਣੀ ਪਹੁੰਚ ਨਹੀਂ ਕਰ ਪਾਉਂਦੀਆਂ, ਇਸ ਲਈ ਕਮਿਸ਼ਨ ਵੱਲੋਂ ਜ਼ਿਲ੍ਹਿਆਂ ਅੰਦਰ ਹੀ ਲੋਕ ਦਰਬਾਰ ਲਗਾ ਕੇ ਮੁਸ਼ਕਿਲਾਂ ਨੂੰ ਸੁਣਿਆ ਜਾਂਦਾ ਹੈ ਤੇ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਕਿ ਮੌਕੇ ‘ਤੇ ਹੀ  ਨਿਪਟਾਰਾ ਹੋ ਸਕੇ। ਉਨ੍ਹਾਂ ਕਿਹਾ  ਕਿ ਕਮਿਸ਼ਨ ਤੇ ਕੋਈ ਸਿਆਸੀ ਦਬਾਅ ਨਹੀਂ ਹੈ ਅਤੇ ਕਮਿਸ਼ਨ ਨਿਰਪੱਖ ਹੋ ਕੇ ਕੇਸਾਂ ਦੀ ਜਾਂਚ ਕਰਦਾ ਹੈ। ਰਾਜ ਲਾਲੀ ਗਿੱਲ ਨੇ ਕਿਹਾ ਕਿ ਲਿਵ ਇਨ ਰਿਲੇਸ਼ਨ ਦੇ ਵੱਧ ਰਹੇ ਮਾਮਲੇ ਸਾਡੇ ਸਮਾਜ ਲਈ ਚਿੰਤਾਜਨਕ ਹਨ। ਉਨ੍ਹਾਂ ਕਿਹਾ ਕਿ ਮੁੰਡੇ ਕੁੜੀਆਂ ਤੇ ਇੱਥੋਂ ਤੱਕ ਕਿ ਕਈ ਵਿਆਹੇ ਹੋਏ ਮਰਦ ਤੇ ਔਰਤਾਂ ਵੀ ਲਿਵ ਇਨ ਰਿਲੇਸ਼ਨ ਦੀ ਇਸ ਬੁਰਾਈ ਵੱਲ ਧੱਕੇ ਜਾ ਰਹੇ ਹਨ ਜੋ ਕਿ ਸਾਡੇ ਸਮਾਜ ਨੂੰ ਸਿਊਂਕ ਵਾਂਗ ਖਾ ਰਹੀ ਹੈ, ਜਿਸ ਤੋਂ ਬਚਣ ਦੀ ਲੋੜ ਹੈ।  ਚੇਅਰਪਰਸਨ ਰਾਜ ਲਾਲੀ ਗਿੱਲ ਨੇ ਦੱਸਿਆ ਕਿ ਬਹੁਤੇ ਕੇਸਾਂ ਵਿੱਚ ਪੁਲਸ ਦੇ ਜਾਂਚ ਅਧਿਕਾਰੀਆਂ ਨੂੰ ਮੁੜ ਤੋਂ ਪੜਤਾਲ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਰਾਜ ਮਹਿਲਾ ਕਮਿਸ਼ਨ ਦੀ ਇਹ ਧਾਰਨਾ ਹੈ ਕਿ ਕਿਸੇ ਵੀ ਪੀੜਤ ਮਹਿਲਾ ਦੀ ਪੂਰੀ ਸੁਣਵਾਈ ਹੋਵੇ ਅਤੇ ਉਸਨੂੰ ਸਮਾਂਬੱਧ ਢੰਗ ਨਾਲ ਤਰਕਸੰਗਤ ਨਿਆਂ ਪ੍ਰਦਾਨ ਕੀਤਾ ਜਾਵੇ। ਉਹਨਾਂ ਦੱਸਿਆ ਕਿ ਉਨ੍ਹਾਂ ਕੋਲ ਹੁਣ ਤੱਕ ਕਰੀਬ 2800 ਤੋਂ ਵੱਧ ਮਾਮਲੇ ਸੁਣਵਾਈ ਲਈ ਆਏ, ਜਿਨ੍ਹਾਂ ਵਿੱਚੋਂ ਬਹੁਤੇ ਕੇਸਾਂ ਦਾ ਨਿਪਟਾਰਾ ਕਰਵਾਇਆ ਜਾ ਚੁੱਕਾ ਹੈ। ਉਨ੍ਹਾਂ ਦੱਸਿਆ ਕਿ ਅੱਜ ਵਿਆਹ ਸਬੰਧਾਂ, ਜਾਇਦਾਦ ਨਾਲ ਸਬੰਧਤ, ਐਨ.ਆਰ.ਆਈ. ਵਿਆਹ, ਦਾਜ ਦਹੇਜ, ਲੜਕੀਆਂ ਤੇ ਔਰਤਾਂ ਦਾ ਸੋਸ਼ਣ, ਲਿਵ ਇਨ ਰਿਲੇਸ਼ਨ, ਘਰੇਲੂ ਮਾਰਕੁੱਟ ਆਦਿ ਨਾਲ ਸਬੰਧਤ ਮਾਮਲੇ ਉਨ੍ਹਾਂ ਕੋਲ ਪੁੱਜੇ ਸਨ। ਰਾਜ ਲਾਲੀ ਗਿੱਲ ਨੇ ਕਿਹਾ ਕਿ ਮੌਜੂਦਾ ਸਮੇਂ ਛੋਟੀ ਛੋਟੀ ਗੱਲ ਬਰਦਾਸ਼ਤ ਨਾ ਕਰਨਾ ਅਤੇ ਸਹਿਣਸ਼ੀਲਤਾ ਘਟਣ ਕਰਕੇ ਪਰਿਵਾਰਾਂ ‘ਚ ਖਿੱਚੋਤਾਣ ਤੇ ਝਗੜੇ ਵੱਧ ਰਹੇ ਹਨ। ਇਸ ਤੋਂ ਬਾਅਦ ਚੇਅਰਪਰਸ਼ਨ ਨੇ ਪਿੰਡ ਧੱਲੇਕੇ ਤੇ ਘੱਲ ਕਲਾਂ ਪੱਤੀ ਮੇਹਰ ਦਾ ਦੌਰਾ ਕਰਕੇ ਔਰਤਾਂ ਦੀਆਂ ਸਮੱਸਿਆਵਾਂ ਨੂੰ ਸੁਣਿਆ।

मोगा 09 जून, (मुनीश जिन्दल) जिला मोगा के लिए उस समय गौरव का पल था, जब जिला मोगा में तैनात पंजाब पुलिस के तीन इंस्पेक्टर रैंक के अधिकारी एक साथ पदोन्नत होकर डीएसपी बने। आईए पहले आप इन तस्वीरों पर एक नजर डाल लें : डीएसपी गुरप्रीत सिंह की पिप्पिंग करते, SSP अजय गांधी व SPH संदीप मन्ड। SSP अजय गांधी व SPH संदीप मन्ड, DSP जसवरिन्दर की पिप्पिंग करते हुए। डीएसपी परताप सिंह की पिप्पिंग करते, SSP अजय गांधी व SPH संदीप मन्ड। जैसे ही इन तीनों पुलिस अधिकारियों इंस्पेक्टर गुरप्रीत सिंह, इंस्पेक्टर जसवरिन्दर सिंह व इंस्पेक्टर प्रताप सिंह के पदोन्नति की खबर आई, तो एसएसपी मोगा, आईपीएस अजय गांधी व एसपी हेडक्वार्टर संदीप सिंह मन्ड द्वारा इन तीनों नवनियुक्त डीएसपी की पिप्पिंग की रस्म अदा की गई। आपको बता दें कि मौजूदा समय में इंस्पैक्टर गुरप्रीत सिंह, थाना सिटी एक के प्रभारी, इंस्पैक्टर जसवरिंदर सिंह थाना बाघापुराना के प्रभारी जबकि इंस्पेक्टर प्रताप सिंह कंट्रोल रूम के इंचार्ज हैं। इस मौके पर एसएसपी अजय गांधी व एसपी हेडक्वार्टर संदीप सिंह मन्ड ने तीनों ही नवनियुक्त अधिकारियों की नई जिम्मेदारी के लिए उनकी हौसला अफजाई की व उनके उज्जवल भविष्य की कामना की। हम भी “मोगा टुडे न्यूज़” की टीम की ओर से यही आस करेंगे कि जिस प्रकार इन तीनों ही अधिकारियों ने इंस्पेक्टर रैंक पर रहते हुए, एक लंबे समय, बेहतर तरीके से जिला मोगा के विभिन्न पुलिस थानों व पुलिस के अन्य विंग में बखूबी अपनी ड्यूटी निभाई है, उसी प्रकार वे भविष्य में भी अपनी इस जिम्मेदारी को बेहतरीन तरीके से निभाएंगे। “मोगा टुडे न्यूज़” की समूची टीम इन नवनियुक्त डीसीपी गुरप्रीत सिंह, डीएसपी जसवरिन्दर सिंह व डीएसपी प्रताप सिंह को बधाई देती है। 

ਮੋਗਾ, 7 ਜੂਨ, (ਮੁਨੀਸ਼ ਜਿੰਦਲ) ‘ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵੱਲੋਂ ਚਲਾਈ ਗਈ ਮੁਹਿੰਮ ਯੁੱਧ ਨਸ਼ਿਆਂ ਵਿਰੁੱਧ ਤਹਿਤ ਨਸ਼ਾ ਛੱਡ ਰਹੇ ਨੌਜਵਾਨਾਂ ਨੂੰ ਮੁਕੰਮਲ ਇਲਾਜ ਮੁਹੱਈਆ ਕਰਵਾਉਣ ਲਈ ਨਸ਼ਾ ਛੁਡਾਊ ਕੇਂਦਰਾਂ ਨੂੰ ਹੋਰ ਮਜਬੂਤੀ ਦਿੱਤੀ ਜਾ ਰਹੀ ਹੈ, ਤਾਂ ਕਿ ਨਸ਼ਾ ਛੱਡਣ ਵਾਲਾ ਕੋਈ ਵੀ ਨੌਜਵਾਨ ਕਿਸੇ ਵੀ ਹਸਪਤਾਲ ਜਾਂ ਨਸ਼ਾ ਛੁਡਾਊ ਕੇਂਦਰ ਵਿੱਚੋਂ ਨਿਰਾਸ਼ ਹੋਕੇ ਨਾ ਪਰਤੇ’। ਇਹਨਾਂ ਵਿਚਾਰਾ ਦਾ ਪ੍ਰਗਟਾਵਾ ਡਿਪਟੀ ਕਮਿਸ਼ਨਰ ਸਾਗਰ ਸੇਤੀਆ ਨੇ ਕਮਿਊਨਿਟੀ ਸਿਹਤ ਕੇਂਦਰ ਨਿਹਾਲ ਸਿੰਘ ਵਾਲਾ ਦਾ ਦੌਰਾ ਕਰਨ ਮੌਕੇ ਕੀਤਾ। ਉਨ੍ਹਾਂ ਮਰੀਜਾਂ ਨਾਲ ਗੱਲਬਾਤ ਕੀਤੀ ਅਤੇ ਨਸ਼ਾ ਮੁਕਤੀ ਦਵਾਈ ਕੇਂਦਰ ਦੀਆਂ ਸੇਵਾਵਾਂ ਦਾ ਰੀਵਿਊ ਲਿਆ। ਨਸ਼ਾ ਮੁਕਤੀ ਦਵਾਈ ਕੇਂਦਰ ਦੀਆਂ ਸੇਵਾਵਾਂ ਤੇ ਮੋਕੇ ਤੇ ਮਰੀਜ਼ਾਂ ਨੇ ਤਸੱਲੀ ਪ਼ਗਟਾਈ ਅਤੇ ਹਰੇਕ ਲੋੜੀਂਦੀ ਦਵਾਈ ਸਮੇਂ ਸਿਰ ਉਪਲੱਬਧ ਹੋਣ ਬਾਰੇ ਡਿਪਟੀ ਕਮਿਸ਼ਨਰ ਨੂੰ ਜਾਣੂ ਕਰਵਾਇਆ। ਡਿਪਟੀ ਕਮਿਸ਼ਨਰ ਨੇ ਕੇਂਦਰ ਵਿੱਚ ਢੁੱਕਵੀਂ ਮਾਤਰਾ ਵਿੱਚ ਦਵਾਈ ਉਪਲੱਬਧ ਹੋਣ ਅਤੇ ਸਮੁੱਚੇ ਰਿਕਾਰਡ ਨੂੰ ਮੁਕੰਮਲ ਰੱਖਣ ਲਈ ਕਿਹਾ। ਈ.ਸੀ.ਜੀ. ਮਸ਼ੀਨ ਬਾਰੇ ਮੈਡੀਕਲ ਅਫ਼ਸਰ ਡਾ. ਉਪਵਨ ਚੋਬਰਾ ਵੱਲੋਂ ਧਿਆਨ ਵਿੱਚ ਲਿਆਂਦਾ ਗਿਆ ਤਾਂ ਤੁਰੰਤ ਪ੍ਰਭਾਵ ਨਾਲ ਡਿਪਟੀ ਕਮਿਸ਼ਨਰ ਵੱਲੋਂ ਇਸਦੇ ਖਰਚੇ ਦੀ ਮਨਜੂਰੀ ਦੇ ਦਿੱਤੀ ਗਈ। ਇਸ ਤੋਂ ਇਲਾਵਾ ਓਟ ਸੈਂਟਰ ਦੇ ਬਾਹਰਲੇ ਵੇਟਿੰਗ ਏਰੀਆ ਵਿੱਚ ਸ਼ੈਡ ਪਾ ਕੇ ਕੁਰਸੀਆਂ ਲਗਾਉਣ ਵਾਸਤੇ ਖਰਚੇ ਦੀ ਪ੍ਰਵਾਨਗੀ ਵੀ ਡਿਪਟੀ ਕਮਿਸ਼ਨਰ ਵੱਲੋਂ ਦਿੱਤੀ ਗਈ। ਇਸ ਮੌਕੇ ਤੇ ਐਸ.ਡੀ.ਐਮ. ਸਵਾਤੀ, ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਰਜੇਸ਼ ਮਿੱਤਲ, ਮਾਰਕਿਟ ਕਮੇਟੀ ਚੇਅਰਮੈਨ ਨਿਹਾਲ ਸਿੰਘ ਵਾਲਾ ਬਰਿੰਦਰ ਕੁਮਾਰ ਸ਼ਰਮਾ, ਬੀ.ਡੀ.ਪੀ.ਓ. ਨਿਹਾਲ ਸਿੰਘ ਵਾਲਾ, ਭੂਸ਼ਣ ਕੁਮਾਰ ਆਦਿ ਹਾਜਰ ਸਨ।